लाटीकोइलीका उत्कृष्ट विद्यार्थीलाई पुरस्कृत गरिने

सुर्खेत, २८ भदौ ।
लाटीकोइली गाउँ शिक्षा समितिले २०६९को प्रवेशिका र जिल्ला स्तरीय परीक्षामा गाविसमा उत्कृष्ट अंक ल्याउने छात्र÷छात्रालाई बालदिवसको अवसरमा पुरस्कृत गर्ने भएको छ ।

 गाउँ शिक्षा समितिको बैठकले प्रवेशीका परीक्षामा उत्कृष्ट छात्र जनसेवा उमावि घुस्राका टिकाराम चौधरी र छात्रामा पनि सोही विद्यालयकी निशु चौधरीलाई प्रति व्यक्ति एक हजार नगद पुरस्कार सहीत प्रमाण पत्र दिने निर्णय गरेको हो । त्यस्तै जिल्ला स्तरीय परीक्षमा उत्कृष्ट शिव उमावि लाटीकोइलीकी अञ्जु श्रेष्ठलाई पाँच सय नगद सहित प्रमाण पत्रले सम्मान गर्ने बताइएको छ । विगतका बर्षहरुमा पनि उत्कृष्ट विद्यार्थी, शिक्षक, विद्यालय व्यवस्थापन समिति, प्रधानाध्यापकलाई पुरस्कृत गर्दै आएकोमा यस बर्ष पनि सोही कार्यक्रमलाई निरन्तरता दिइएको गाउँ शिक्षा समितिका सदस्य सचिव भक्तबहादुर शाहीले जानकरी दिए । सबैठकमा सामुदायिक विद्यालयका सम्पूर्ण प्रधानाध्यापकहरुले विद्यालयको शैक्षिक उपलब्धी ६० पु¥याउने प्रतिबद्धता गरेका थिए । कक्षा ६–८ (आधारभुत) तहको पाठ्यक्रमको अभिमुखिकरण कक्षा छ देखि ४० प्रतिशत निरन्तर मूल्याङ्कनको व्यवस्थापन विद्यालयमा शान्ति क्षेत्रका लागि आ–आफ्नो विद्यालयमा समिति गठन गरी प्रक्रिया अगाडी बढाउने निर्णय गरिएको जनाइएको छ ।