8:20 AM
सुर्खेत, ५ असोज ।
दैलेखदेखि काठमाण्डौँका लागि छुटेको काँक्रेबिहार यातायात बस व्यवसायी समितिद्धारा सञ्चालित ना.४ ख.४८२० नं.को बस आइतबार साँझ सवा पाँच बजे सुर्खेत दैलेख सडक खण्डको गढी २ लादेमा दुर्घटना भएको छ । जिल्ला प्रहरी कार्यालय सुर्खेतका अनुसार दुर्घटनामा एक जनाको मृत्यु भएको छ भने ६ जना घाइते भएका छन् । बसको ब्रेकफेल भएपछि दुर्घटना भएको प्रहरीले जनाएको छ । जर्बुटा ५ सुर्खेत बस्ने अनुमानित ६०÷६५ बर्षीय लक्ष्मण शाहीको मृत्यु भएको जिल्ला प्रहरी कार्यालय सुर्खेतले जनाएको छ । प्रहरीका अनुसार दुर्घटनामापरी घाइते हुनेहरुमा दैलेख रावतकोट गा.वि.स.वडा नं.१ बस्ने ६८ को वर्षीय धर्म थापा, बिन्दबासनी गा.वि.स.वडा नं.६ बस्ने ६४ वर्षीय रत्न बहादुर बडुवाल, नारायण नगरपालिका वडा नं.१ बस्ने ३८ वर्षीय भानु श्रेष्ठ, दुल्लु ८ बस्ने ४२ वर्षीय भक्त बहादुर भण्डारी, गौमडी गा.वि.स.वडा नं.३ बस्ने २२ बर्षीया जगत कुमारी पुरी र वीरेन्द्रनगर १ ढोडेखाली बस्ने ३८ वर्षिया सरीता कार्की रहेका छन् । घाईते सबैको देउती नर्सिङ्ग होम सुर्खेतमा उपचार भैरहेको र बस चालक वीरेन्द्रनगर ५ का अर्जुन शर्मा प्रहरीको नियन्त्रणमा रहेको प्रहरीले जनाएको छ ।
