सुर्खेतमा प्रत्यक्ष तर्फका ५२ उम्मेदवार

सुर्खेत, १८ असोज ।
आशन्न संविधानसभा निर्वाचनको कार्य तालिका अनुसार बिहीबार सुर्खेत लगाएत देशभर प्रत्यक्ष तर्फका उम्मेदवारहरुले मनोनयन दर्ता गराएका छन् ।
सुर्खेतका तीन वटै निर्वाचन क्षेत्रहरुमा गरी ५२ जनाले मनोनयन दर्ता गराएका छन् । विभिन्न राजनीतिक दलहरुबाट ४८ र स्वतन्त्रबाट चार जनाले मनोनयन दर्ता गराएको निर्वाचन कार्यालय सुर्खेतले जनाएको छ । अन्य दुई निर्वाचन क्षेत्र भन्दा क्षेत्र नं २ मा उम्मेदवार सबै भन्दा बढी रहेका छन् । क्षेत्र नं २ बाट तीन जना व्यक्तिले स्वतन्त्र उम्मेदवारी दर्ता गराएपछि क्षेत्र नं २ मा सबै भन्दा बढी २० उम्मेदवार भएका ह्न । निर्वाचन कार्यालयका अनुसार क्षेत्र नं १ मा १५ पार्टीबाट १५ जना र क्षेत्र नं तीनबाट १ स्वतन्त्र र १६ पार्टीका गरी १७ उम्मेदवारले मनोनयन दर्ता गराएको छन् । जिल्ला निर्वाचन कार्यालय सुर्खेतले विहीबार विहान १० बजे देखि मनोनयन दर्ताका लागि खुल्ला गरेपनि साढे ११ बजे मात्रै नेकपा एमाले सुर्खेतका उपाध्यक्ष समेत रहेका शिवप्रसाद उपाध्यायले स्वतन्त्र उम्मेदवारका रुपमा सबै भन्दा पहिलो नम्बरमा आप्mनो उम्मेदवारी दर्ता गराएका थिए । त्यसको लगतै पुगेको संघिय समाजबादी पार्टीले आफ्नो उम्मेदवारहरुको नाम दोस्रो नंम्बरमा दर्ता गरायो । पार्टीलेको तर्फबाट क्षेत्र नं १ मा गगनबहादुर सारु, क्षेत्र नं २ बाट पंचसिं रोका र क्षेत्र नं ३ बाट धनबहादुर ठाडाले मनोनयन दर्ता गराएका छन् । निर्वाचनको शसक्त बहिस्कारको निर्णय गरेको नेकपा–माओवादीले बिहानैदेखि आह्वान गरेको भेरी कर्णाली बन्दका कारण सवारी साधन नचले पछि तुलनात्मक रुपमा मानिसहरुको कमी भएपनि कांग्रेस, एमाओवादी, एमाले, राप्रपा लगाएतका दलहरु बाजाघाजा सहीत नाराबाजी गर्दै उम्मेदवारी दर्ता गराउन जिल्ला निर्वाचन कार्यालयमा पुगका थिए । नारजुलुस सहित तेस्रो नंम्बरमा निर्वाचन कार्यालय पुगेको एकीकृत नेकपा माओवादीले क्षेत्र नं १ बाट ठम्मर बिष्ट, क्षेत्र नं. २ बाट भिमबहादुर मल्ल ‘सुभास’ र क्षेत्र नं. ३ बाट नरबहादुर बिष्ठको मनोनयन दर्ता गराएको छ । एमाओवादी संगसंगै निर्वाचन कार्यालय पुगेको नेपाली कांग्रेसले चौथो नम्बरमा आफ्ना उम्मेदवारहरुको मनोनयन दर्ता गरायो । कार्यकर्ता सहित निर्वाचन कार्यालय पुगेका हृदयराम थानीले क्षेत्र नं. २ बाट र पार्टी सभापती तत्तबहादुर बिष्टले क्षेत्र नं ३ बाट आफ्नो मनोनयन दर्ता गराए भने कार्यालयमा अनुपस्थीत रहेका पूर्णबहादुर खड्काको मनोनयन प्रस्तावक तथा समर्थकले क्षेत्र नं १ बाट दर्ता गराएका थिए । एकपछि अर्काे गर्दै निर्वाचन कार्यालय पुगेका दलका समर्थक तथा कार्याकर्ताहरुले निरन्तर परिरहेको मुसलधारे पानीको कुनै प्रावाह नगरी नाराजुलुसी गरीरहेका थिए । कार्यकर्ताकोबीचमा नाराजुलुस सहित निर्वाचन कार्यालय गएका नेकपा एमालेका कमला शर्माले क्षेत्र नं १, यामलाल कडेंल क्षेत्र नं २ र पार्टी अध्यक्ष नवराज रावतले क्षेत्र नं तीनबाट मनोनयन दर्ता गराएका छन् ।  राष्ट्रिय जनमोर्चाबाट क्षेत्र नं १ मा धनप्रसाद देबकोटा, २ मा कृष्णा रावल र क्षेत्र नं ३ मा लालबहादुर नेपालीलेको मनोनयन दर्ता गराएका छन् । राष्ट्रिय प्रजातन्त्र पार्टी नेपालबाट क्षेत्र नं १ बाट ओमबहादुर जिसी, २ बाट मुकुन्दश्याम गिरी र क्षेत्र नं ३ बाट बसन्तकुमार श्रेष्ठले मनोनयन दर्ता गराएका छन्  नेपाल मज्दुर किसान पार्टीले क्षेत्र नं १ बाट डिलबहादुर डिसी, २ बाट प्रेमप्रकाश खड्का र ३ बाट चन्द्रप्रकाश गौतमले मनोनयन दर्ता गराएका छन् । 
क्षेत्र नं १.
राष्ट्रिय जनमोर्चा ः धनप्रसाद देवकोटा
नेपाली कांग्रेसः पूर्वबहादुर खड्का
नेकपा एमाले ः कमला शर्मा
एकिकृत नेकपा माओवादीः ठम्मरबहादुर बिष्ट
मधेशी जनअधिकार फोरम नेपालः  धनबिर कामी
राप्रापा नेपालः ओमबहादुर जिसी
संघिय समाजवादी पार्टीः गगनबहादुर सारु
नेकपा माले समाजवादीः रुपक पौडेल
राप्रापाः तीलकराज वली
नेमकिपाः अमृता पाण्डे
राष्ट्रिय जनमुक्ति ः देबबहादुर गाहा
दलित जनजाती पार्टीः चन्द्रबहादुर बिक
अखण्ड नेपालः डिलबहादुर डांगी
नेपाल परिवार दलः पदम गिरी
खस समावेशी राष्ट्रिय पार्टी ः डिलकुमारी खड्का
क्षेत्र नं २ ः
एमाओवादीः भिमबहादुर मल्ल ‘सुवास’
नेपाली कांग्रसः हृदयराम थानी
नेकपा एमाले ः यामलाल कंडेल
राप्रपा नेपाः मुकुन्दश्याम गिरी
राष्ट्रिय जनमोर्चाः कृष्णाकुमारी रावल
नेमकिपाः बमबहदुर शाही
नेकपा माले समाजवादीः इन्द्रबहादुर खड्का
नेकपा मालेः कर्णबहादुर नेपाली
दलित जनजाती पार्टीः नैनसरा बैगार
अखण्ड नेपालः प्रेमप्रकाश खड्का
मधेशी जनाधिकार फोरम नेपालः रामबहादुर लामा
राष्ट्रिय स्वाभिमान पार्टी ः ललित भट्टाराई
नपाल परिवार दलः सन्तबहादुर रेग्मी
समाजवादी जनता पार्टी ः भगवानप्रसाद जैशी
राप्रपाः टोपबहादुर वली
क्षेत्र नंः ३
एमाओवादी ः नरबहादुर बिष्ट
नेपाली कांग्रस ः तप्तबहादुर बिष्ट
नेकपा एमाले ः नवराज रावत
राप्रपा नेपाल ः बसन्तकुमार थापा
राष्ट्रिय जनमोर्चाः लालबहादुर नेपाली
नेमकिपा ः धनबहादुर बि.क.
नेकपा माले समाजवादीः देबराम ढकाल
नेकपा माले ः लक्ष्मीप्रसाद कंडेल
संघिय समाजवादी पार्टी ः धनबहादुर ठाडा
मधेशी जनाधिकार फोरम नेपालः दीलबहादुर नेपार्ली
नपाल परिवार दल ः योगेन्द्रबहादुर कार्की
समाजवादी जनता पार्टी ः कुमारसिं कुरेल बस्याल
राप्रपा ः कबिराम पुरी
राष्ट्रिय जनमुक्ति पार्टीः कर्णध्वज तारामी

स्वतन्त्रः क्षेत्र नं २ ः शिवप्रसाद उपाध्याय, खगेन्द्र शर्मा र हिरालाल सुनार ‘राजु’
क्षेत्र नं. ३ ः दीपेन्द्रसिं विसी