2:33 AM
सुर्खेत, २३ असार
शनिबारदेखि वीरेन्द्रनगरमा सुरु भएको प्रथम जिल्ला सरसफाई सम्मेलन सुर्खेत १५ बुँदे घोषणा गर्दै आईतबार सम्पन्न भएको छ ।
सुर्खेत जिल्लालाई बि.सं २०७३ (सन् २०१५) अगावै खुला दिसामुक्त जिल्ला वनाउन सञ्चालित अभियानलाई सरसफाई गुरुयोजना, सुर्खेत घोषणा पत्र २०६६, नेपालगंज प्रतिबद्धता पत्रका आधारमा थालिएका सामुहिक प्रयासहरुलाई सफल बनाउन सुर्खेत घोषणा पत्र २०७० जारी गरिएको हो । हाल सम्म भएका उपलब्धीहरुलाई संस्थागत गरी सहकार्यको मूल्य र मान्यतालाई आत्मसाथ गर्दै सरसफाई आन्दोलनलाई सशक्त बनाउन १५ प्रतिबद्धता सहितको घोषणा पत्र जारी गरिएको छ । घोषणा पत्र मार्फत जिल्लालाई सन् २०१५ अगाबै खुला दिसामुक्त क्षेत्र बनाई पूर्ण सरसफाई उन्मुख गराउने, दुई बर्ष भित्रमा सरसफाई सम्बन्धी रणनीतिक कार्ययोजना तर्जुमा गर्ने, खुला दिसा गर्नुलाई सामाजिक अपराध घोषणा गर्ने उल्लेख गरिएको छ । “हामी सुर्खेत जिल्लावासीहरु आफ्नो चर्पी आफै बनाउन सक्षम छौँ”, घोषणा पत्रमा उल्लेख गरिएको छ “व्यक्तिगत चर्पी निर्माण गराउन हाम्रो समाजमा अन्तयन्त असक्त अवस्थामा रहेका व्यक्ति र परिवारलाई सहयोग गर्नु हाम्रो आफ्नो दायित्व ठान्छौँ ।” सुर्खेत जिल्लाको सहरी क्षेत्रमा सरसफाईका लागि सार्बजनिक शौचालयको निर्माण, पानीको पुनः प्रयोग, पनरभरण र फोहोरमैला उचित व्यवस्थापनका साथै प्लाष्टिक रहित सहरको रुपमा विकास गर्ने घोषणा गर्दछौँ, घोषणा पत्रमा उल्लेख गरिएको छ । राजनैतिक दलहरुले आफ्नो प्रतिष्ठा र साझा दायित्व ठानी अभियानमा साझा कार्ययोजना बनाई कार्यन्वयनका लागि स्थानीय कमिटि तथा भातृ संगठनहरुलाई निरन्तर परिचालन गर्ने प्रतिबद्धता जनाएका छन् । सञ्चारकर्मीहरुले आफ्नो भूमिकालाई अझ प्रगाढ र फराकिलो बनाउँदै रेडियो कार्यक्रम, टेलिभिजन तथा पत्रपत्रिकामा सन्देशमुलक सूचना÷समाचार प्रकाशन तथा प्रसारण गरी प्राथमिकता प्राप्त सामूहिक अभियानको रुपमा विकास गर्ने प्रतिबद्धता गरेकाछन् । सरकारी कार्यालयहरु, विकास साझेदार तथा अन्य गैरसरकारी संस्थाहरु, जिल्ला जनस्वास्थय कार्यालय, सरसफाई तथा स्वच्छता सम्बन्धीका समिति उपसमितिहरु, सामुदायिक वन उपभोक्ता समितिहरु, सहकारी संस्थामा आबद्ध व्यक्ति, उद्यमी, व्यापारीले पनि अभियानमा सक्रिय रुपमा लाग्ने प्रतिबद्धता व्यक्त गरेकाछन् । सरसफाईका संरचना तथा वानीव्यहोरा कायम गर्न प्रयाप्त तथा स्वच्छ खानेपानी सेवा व्यवस्थापनको लागि कार्ययोजना तयार गरी कार्यन्वयन गर्ने, अभियानमा बिशेष योगदान गर्ने व्यक्ति तथा संघ संथालाई सम्मान र पुरस्कृत गर्ने परिपाटीलाई निरन्तरता दिने र घरधुरी र सार्बजनिक स्थलहरुमा बालमैत्री, अपाङ्गमैत्री, महिलामैत्री, बृद्धमैत्री चर्पी प्रबद्र्धन गर्न सामुहितक रुपमा प्रतिबद्धता गरिएको छ ।
साथै सम्मेलनबाट सुर्खेत जिल्लालाई खुला दिसामुक्त बनाउनका लागि आचारसंहिता समेत जारी गरिएको छ । सर्बसाधारणका लागि, उद्योगपती, व्यावसायी, जग्गाधनी, घरधनी, विद्यालय, राजमार्ग र यातायात मज्दुर, अस्पताल एवं स्वास्थ्य संस्था, कार्यालय एवं संघ संस्था, जिल्ला नगर, गाउँ स्तरिय खानेपानी तथा सरसफाई स्वच्छता समिति लगाएतलाई छुट्टा छुट्टै आचारसंहिता घोषणा गरिएको छ । विभिन्न संघ संगठन तथा कार्यालयहरुले आफ्नो संकल्प समेत घोषणा गरेका छन् ।
समापन कार्यक्रममा सहयाक क्षेत्रीय प्रसाशक बासुदेव दाहालले घोषणा पत्रको प्रभावकारी कार्यन्वयनमा ध्यान दिनुपर्ने बताए । स्थानीय विकास अधिकारी भोजेन्द्रकुमार क्षेत्रीले सम्मेलनबाट घोषणा गरिएका कुरालाई मध्यनजर गर्दै अघिबढ्न सबैलाई आग्रह गरेका थिए । निर्वतमान सभासद् कमला शर्मा, प्रमुख जिल्ला अधिकारी पुरुषोत्तम कुँवरले, क्षेत्रीय अनुगमन कार्यालय सुर्खेतका निमित्त प्रमुख रामलखन मण्डल, संघीय तथा स्थानीय विकास मन्त्रालयका उप—सचिव रमेशकुमार अधिकारी, समाजशास्त्री तथा सहजकर्ता भोजेन्द्र अर्याल, कमल अधिकारी राजनीतिक दलका प्रतिनीधिहरु त्था सरकारी तथा गैरसरकारी संघसंस्थाका प्रमुख एवं प्रतिनीधिहरुको लगाएतको सहभागिता रहको थियो ।
यसैबीच नेपाल पत्रकार महासंघ शाखा, सुर्खेतले पश्चिम तातापानी गाविसलाई आफ्नो समन्वयमा खुला दिसामुक्त घोषणा गर्ने भएको छ । सरसफाई सम्मेलनमा बोल्दै महासंघका अध्यक्ष दुर्गा थापाले पत्रकारहरुले सरसफाई र खुला दिसामुक्त अभियानमा सक्रियतापूर्ण ढंगले सहयोग गर्दै आएको बताउँदै नमूनाका रुपमा तातापानी गाविसलाई महासंघको समन्वयमा खुला दिसामुक्त बनाउने घोषणा गरेका थिए । तातापानीलाई समन्यमा घोषणा गर्ने भएपनि निगरानी र अनुगमन भने ५० औ गाविस र नगरपालिकामा समेत प्रभावकारी रहने प्रष्ट पारे ।
शनिबारदेखि वीरेन्द्रनगरमा सुरु भएको प्रथम जिल्ला सरसफाई सम्मेलन सुर्खेत १५ बुँदे घोषणा गर्दै आईतबार सम्पन्न भएको छ ।
सुर्खेत जिल्लालाई बि.सं २०७३ (सन् २०१५) अगावै खुला दिसामुक्त जिल्ला वनाउन सञ्चालित अभियानलाई सरसफाई गुरुयोजना, सुर्खेत घोषणा पत्र २०६६, नेपालगंज प्रतिबद्धता पत्रका आधारमा थालिएका सामुहिक प्रयासहरुलाई सफल बनाउन सुर्खेत घोषणा पत्र २०७० जारी गरिएको हो । हाल सम्म भएका उपलब्धीहरुलाई संस्थागत गरी सहकार्यको मूल्य र मान्यतालाई आत्मसाथ गर्दै सरसफाई आन्दोलनलाई सशक्त बनाउन १५ प्रतिबद्धता सहितको घोषणा पत्र जारी गरिएको छ । घोषणा पत्र मार्फत जिल्लालाई सन् २०१५ अगाबै खुला दिसामुक्त क्षेत्र बनाई पूर्ण सरसफाई उन्मुख गराउने, दुई बर्ष भित्रमा सरसफाई सम्बन्धी रणनीतिक कार्ययोजना तर्जुमा गर्ने, खुला दिसा गर्नुलाई सामाजिक अपराध घोषणा गर्ने उल्लेख गरिएको छ । “हामी सुर्खेत जिल्लावासीहरु आफ्नो चर्पी आफै बनाउन सक्षम छौँ”, घोषणा पत्रमा उल्लेख गरिएको छ “व्यक्तिगत चर्पी निर्माण गराउन हाम्रो समाजमा अन्तयन्त असक्त अवस्थामा रहेका व्यक्ति र परिवारलाई सहयोग गर्नु हाम्रो आफ्नो दायित्व ठान्छौँ ।” सुर्खेत जिल्लाको सहरी क्षेत्रमा सरसफाईका लागि सार्बजनिक शौचालयको निर्माण, पानीको पुनः प्रयोग, पनरभरण र फोहोरमैला उचित व्यवस्थापनका साथै प्लाष्टिक रहित सहरको रुपमा विकास गर्ने घोषणा गर्दछौँ, घोषणा पत्रमा उल्लेख गरिएको छ । राजनैतिक दलहरुले आफ्नो प्रतिष्ठा र साझा दायित्व ठानी अभियानमा साझा कार्ययोजना बनाई कार्यन्वयनका लागि स्थानीय कमिटि तथा भातृ संगठनहरुलाई निरन्तर परिचालन गर्ने प्रतिबद्धता जनाएका छन् । सञ्चारकर्मीहरुले आफ्नो भूमिकालाई अझ प्रगाढ र फराकिलो बनाउँदै रेडियो कार्यक्रम, टेलिभिजन तथा पत्रपत्रिकामा सन्देशमुलक सूचना÷समाचार प्रकाशन तथा प्रसारण गरी प्राथमिकता प्राप्त सामूहिक अभियानको रुपमा विकास गर्ने प्रतिबद्धता गरेकाछन् । सरकारी कार्यालयहरु, विकास साझेदार तथा अन्य गैरसरकारी संस्थाहरु, जिल्ला जनस्वास्थय कार्यालय, सरसफाई तथा स्वच्छता सम्बन्धीका समिति उपसमितिहरु, सामुदायिक वन उपभोक्ता समितिहरु, सहकारी संस्थामा आबद्ध व्यक्ति, उद्यमी, व्यापारीले पनि अभियानमा सक्रिय रुपमा लाग्ने प्रतिबद्धता व्यक्त गरेकाछन् । सरसफाईका संरचना तथा वानीव्यहोरा कायम गर्न प्रयाप्त तथा स्वच्छ खानेपानी सेवा व्यवस्थापनको लागि कार्ययोजना तयार गरी कार्यन्वयन गर्ने, अभियानमा बिशेष योगदान गर्ने व्यक्ति तथा संघ संथालाई सम्मान र पुरस्कृत गर्ने परिपाटीलाई निरन्तरता दिने र घरधुरी र सार्बजनिक स्थलहरुमा बालमैत्री, अपाङ्गमैत्री, महिलामैत्री, बृद्धमैत्री चर्पी प्रबद्र्धन गर्न सामुहितक रुपमा प्रतिबद्धता गरिएको छ ।
साथै सम्मेलनबाट सुर्खेत जिल्लालाई खुला दिसामुक्त बनाउनका लागि आचारसंहिता समेत जारी गरिएको छ । सर्बसाधारणका लागि, उद्योगपती, व्यावसायी, जग्गाधनी, घरधनी, विद्यालय, राजमार्ग र यातायात मज्दुर, अस्पताल एवं स्वास्थ्य संस्था, कार्यालय एवं संघ संस्था, जिल्ला नगर, गाउँ स्तरिय खानेपानी तथा सरसफाई स्वच्छता समिति लगाएतलाई छुट्टा छुट्टै आचारसंहिता घोषणा गरिएको छ । विभिन्न संघ संगठन तथा कार्यालयहरुले आफ्नो संकल्प समेत घोषणा गरेका छन् ।
समापन कार्यक्रममा सहयाक क्षेत्रीय प्रसाशक बासुदेव दाहालले घोषणा पत्रको प्रभावकारी कार्यन्वयनमा ध्यान दिनुपर्ने बताए । स्थानीय विकास अधिकारी भोजेन्द्रकुमार क्षेत्रीले सम्मेलनबाट घोषणा गरिएका कुरालाई मध्यनजर गर्दै अघिबढ्न सबैलाई आग्रह गरेका थिए । निर्वतमान सभासद् कमला शर्मा, प्रमुख जिल्ला अधिकारी पुरुषोत्तम कुँवरले, क्षेत्रीय अनुगमन कार्यालय सुर्खेतका निमित्त प्रमुख रामलखन मण्डल, संघीय तथा स्थानीय विकास मन्त्रालयका उप—सचिव रमेशकुमार अधिकारी, समाजशास्त्री तथा सहजकर्ता भोजेन्द्र अर्याल, कमल अधिकारी राजनीतिक दलका प्रतिनीधिहरु त्था सरकारी तथा गैरसरकारी संघसंस्थाका प्रमुख एवं प्रतिनीधिहरुको लगाएतको सहभागिता रहको थियो ।
यसैबीच नेपाल पत्रकार महासंघ शाखा, सुर्खेतले पश्चिम तातापानी गाविसलाई आफ्नो समन्वयमा खुला दिसामुक्त घोषणा गर्ने भएको छ । सरसफाई सम्मेलनमा बोल्दै महासंघका अध्यक्ष दुर्गा थापाले पत्रकारहरुले सरसफाई र खुला दिसामुक्त अभियानमा सक्रियतापूर्ण ढंगले सहयोग गर्दै आएको बताउँदै नमूनाका रुपमा तातापानी गाविसलाई महासंघको समन्वयमा खुला दिसामुक्त बनाउने घोषणा गरेका थिए । तातापानीलाई समन्यमा घोषणा गर्ने भएपनि निगरानी र अनुगमन भने ५० औ गाविस र नगरपालिकामा समेत प्रभावकारी रहने प्रष्ट पारे ।
0 comments:
Post a Comment